«Меракълы китаплар» («Book-навигатор»)
«ХАТЫРА КИТАБЫ. Экинджи джиан дженкинде эляк олгъан, яраланып вефат эткен ве хаберсиз гъайып олгъан къырымтатар арбий хызметчилерининъ джедвели». Белли языджы, шаир, Улу Ватан дженкининъ иштиракчиси, миллий арекетимизнинъ фаали Сеитумер Эмин бу серлева алтында азырлагъан китапта къырымтатар халкъынынъ муаребе къурбанлары акъкъында кениш малюмат муджессемленген.
Джыйынтыкъ бойле сатырларнен башлай:
«Хатыра Китабы бизим ватандашларымазгъа – Экинджи джиан муаребесинденг къайтмагъанларгъа багъышлана. Олар, узакъ шималь, куньдогъуш, куньбаты орталыкъларында, Авропа ве дигер ябангий мемлекетлеринде дешетли урушлардан душманнен къараманджа курештилер.
Къырым топрагъы да дешетли, къанлы урушларнынъ мейданларындан бириси эди. Къырым топрагъыны душмандан мудафаа этерек, совет аскерлери буюк къараманлыкъ косьтерди ве душманны енъдилер. О аскерлернинъ ичинде юзлернен, бинълернен бизим баба, агъа, ана, тувгъанларымыз бар эдилер. Бу акъраны олмагъан урушларда юзлернен, бинълернен бизим тувгъанларымыз эляк олдылар. Бутюн ерлерде олгъаны киби, Къырым топрагъында да оларнынъ къабирлери сепильгендир. Ватанымызны душмандан къорчалавда олар озь вазифе-борджларыны шан ве шерефнен эда эттилер. Бу Хатыра Китабы бизлерден оларгъа эбедий Хатыра олсун!»
Джыйынтыкъкъа муаребе къурбанларынынъ джедвеллеринден гъайры Сеитумер Эминнинъ «Тёкюльген къанлар ве унутылмаз къурбанлар» серлевалы мукъаддемеси эм де эдебий-публицистик эсерлери де кирсетильген.
В рубрике «Book-навигатор» представляем вашему вниманию «КНИГУ ПАМЯТИ».
Автор и составитель труда – ветеран Великой Отечественной войны, десантник, участник партизанского движения, крымскотатарский писатель и поэт Сеитумер Эмин.
В книге собраны обобщенные данные о крымскотатарских фронтовиках, партизанах и подпольщиках, погибших, умерших от ран и пропавших без вести в годы войны. Автор приводит списки людей по Алуште, Бахчисараю, Белогорску, Симферополю, Керчи, Феодосии, Ялте, Севастополю, а также различным районам Крыма. Отдельный раздел посвящен партизанам и членам подпольных организаций.
Вошедшая в книгу авторская поэма литератора «Атешли куньлер» посвящена легендарной разведчице Алиме Абденнановой. Завершает труд очерк «Къырым» («Крым») о военных действиях и подпольно-партизанском движении на полуострове, написанный непосредственным участником описанных в произведении событий Сеитумером Эмином.
С «КНИГОЙ ПАМЯТИ», изданной в 2001 году, можно ознакомиться в научно-технической библиотеке Крымского инженерно-педагогического университета.
Вечная слава погибшим героям!
Дженк мейданларында эляк олгъанларгъа эбедий шан-шурет!
Дженкте ольген йигитлернинъ
Яткъан ери дженнет олсун.
Халкъымыз бу шеитлерни
Унутмагъан миллет олсун.
