Февзи Якъубов адына Къырым муэндислик-педагогика университетинде 55 йыл эвельси Низами адына Ташкент педагогика институты эркянында мейдангъа кетирильген къырымтатар тили ве эдебияты болюгининъ юбилейи мунасебетинен тедбир отькерильди. Мерасимде мешур «Татлит»нинъ сабыкъ битириджилери иштирак эттилер. 1968 сенеси Озьбекистанда тешкиль олунгъан болюкнинъ эмиети гъает буюктир: сюргюнлик девринде о, ана тили ве эдебиятымыз боюнджа оджалар азырлады эм де къырымтатар халкъынынъ филология илими меркезине чевирильди.

Тедбирни Къырымтатар филологиясы, Къырым этносларынынъ тарихы ве медениети ильмий-тедкъикъат институтынынъ директоры, филология илимлери докторы, профессор Исмаил Керимов ачып, эр кесни юбилейнен тебрикледи ве «Татлит»нинъ тарихы узеринде сёз юрьсетти.

Топлангъанларнынъ дикъкъатына дегерли архив материаллары такъдим олунды. Мусафирлер чешит йылларда къырымтатар тили ве эдебияты болюгинде дерс берген оджалар: филология илимлери намзетлери Мемет Умеров, Басыр Гъафаров, Джафер Бекиров эм де филология илимлери докторы, профессор Айдер Меметовнынъ «джанлы» сеслерини динъледилер.

Белли языджылар Урие Эдемова ве Аблязиз Велиев тешриф буюргъан акъшамда «Татлит»нинъ тешкиль этилюви эм де фаалиетинде миллий эдебиятчыларымызнынъ салмакълы иссеси акъкъында айрыджа айтылды.

Медений-тарихий асабалыкъ музейининъ ильмий хадими Амет Харахады бу сене октябрь 11 куню ачылгъан «Оджа – гъурурлы истидаттыр» адлы сергини такъдим этти. Экспозицияда нумайыш олунгъан эски весикъалар, фоторесимлер, лекция метинлери эм де дигер экспонатлар «Татлит» талебелерининъ ярдымынен азырлангъан.

Къырымтатар тили ве эдебияты болюгининъ битириджилери окъув йыллары, урьметли оджалары, студентлик девринен багълы меракълы хатырлавларынен пайлаштылар. 1980-нджи сенелернинъ сонъундан «Татлит» азырлагъан мутехассыслар Къырымнынъ орта ве алий окъув юртларында, шу джумледен М. В. Фрунзе адына Акъмесджит девлет университетинде, чалышып башладылар ве миллий тасиль системамызнынъ гъайрыдан тикленильмесине иссе къоштылар. 30 йыл эвельси мейдангъа кетирильген Къырым девлет индустриаль-педагогика институтынынъ ильки оджалары – доцент Алие Велиулаева, филология илимлери докторы, профессор Исмаил Керимов, филология илимлери намзети, доцент Энвер Акъмоллаевни, сонъунда мында ишке кельген болюкнинъ дигер оджа ве битириджилерини къайд этмели.

В стенах Крымского инженерно-педагогического университета имени Февзи Якубова собрались выпускники отделения крымскотатарского языка и литературы, организованного 55 лет назад при Ташкентском государственном педагогическом институте имени Низами.

Открыл мероприятие директор Научно-исследовательского института крымскотатарской филологии, истории и культуры этносов Крыма, доктор филологических наук, профессор Исмаил Керимов. Ученый поздравил всех с юбилеем, а также рассказал об истории создания и деятельности «Татлита».

Вниманию аудитории были представлены уникальные аудиоматериалы с «живыми» голосами известных ученых: кандидатов филологических наук Мемета Умерова, Басыра Гафарова, Джафера Бекирова и доктора филологических наук, профессора Айдера Меметова, которые в разные годы работали на отделении крымскотатарского языка и литературы.

На мероприятии с участием писателей Урие Эдемовой и Аблязиза Велиева была отмечена особая роль национальных литераторов в организации и работе «Татлита».

Научный сотрудник Крымскотатарского музея культурно-исторического наследия Амет Харахады презентовал выставку «Гордое призвание – Педагог». Экспозиция открылась в начале октября и была организована при активном участии выпускников «Татлита», предоставивших старые документы, фотографии, записи лекций и другие экспонаты.

Студенты разных лет поделились воспоминаниями о годах учебы, своих наставниках, интересных случаях из институтской жизни. С конца 1980-х годов подготовленные на отделении крымскотатарского языка и литературы специалисты начали работать в средних и высших учебных заведениях Крыма, в частности, в Симферопольском государственном университете имени М. В. Фрунзе, возрождая систему национального образования. Со дня открытия Крымского государственного индустриально-педагогического института здесь стали преподавать доцент Алие Велиулаева, доктор филологических наук, профессор Исмаил Керимов, кандидат филологических наук, доцент Энвер Акмоллаев, а также другие педагоги и выпускники «Татлита».

Юбилейное мероприятие завершилось концертной программой, подготовленной творческими коллективами Крымского инженерно-педагогического университета имени Февзи Якубова.

Отделение крымскотатарского языка и литературы было создано в 1968 году при Ташкентском государственном педагогическом институте имени Низами. В годы депортации «Татлит» готовил в Узбекистане преподавателей крымскотатарского языка и литературы, став центром развития филологической науки крымских татар.